ပြာရီလင်းလက် ထက်ကောင်းကင်ဝယ်
အတွေးပုံရိပ် ရဲ့ရဲ့ထင်တယ်
ချစ်သူလေလား ထင်ယောင်မှားနဲ့
ယောင်ယမ်းပြီးတော့ ကြည့်မိတယ်
ငါချစ်သောသူ ဖြစ်လိမ့်မည်ဟု
ဝမ်းသာကြည်နူး ရင်မှာလူးလွန့်
လှူပ်ခပ်လို့လဲ ဖြစ်ဖူးတယ်။
ကြည်လင်သန့်စင် ရေပြင်ထက်ဝယ်
ငါ့အားမြတ်နိုး ချစ်ခင်နိုးဖြင့်
ပြုံးရိပ်စစ ပုံရိပ်တွေလဲထင်ခဲ့တယ်
မှူံရီဝိုးဝါး ပုံရိပ်တုအား
တကယ့်ပုံရိပ် စင်စစ်ထင်၍
ပြုံးပျော်ကာလည်း ပျော်ဖူးတယ်။
လေလှိူင်းထဲက ဝေဟင်ထဲဝယ်
ချိုသာကြည်နူး ရယ်ရွှင်မြူးသို့
သူ့စကားသံလား ကြားမိတယ်
ကြင်နာချစ်စကား ဖြစ်လိမ့်မလားလို့
စောင့်ပြီးတော့လဲ မျှော်ဖူးတယ်။
တကယ်တမ်းကျ လားလားမှမဟုတ်
စစ်မှန်ခြင်းမရှိ မာယာနှင်း၍
ငါ့မေတ္တာအား စတေးခဲ့တယ်။
ထိုသူ့ရင်မှာဘယ်လိုရှိမလဲ ရှာကာတွေးလဲ
ပုံရိပ်ယောင်သာဖြစ်ခဲ့တယ်။
ချစ်လှပါပြီ မြတ်နိုးသည်ဟု
ထိုထိုသူစကား ထိုလူများအား
ကြောက်လှပါပြီ မုသားချီလို့
ငါ့ဆီချည်းနှင်း ရောက်မလာပါစေနဲ့ဟု
ဆုတောင်းလို့ပဲနေမိတယ်.................
ရေးသားသူ....အဖြူရောင်
0 comments:
Post a Comment