ခုခေတ် လူငယ်တော်တော်များများ မိန့်ခွန်းပြောရမှာကြောက်ကြတယ်။...“စကားနည်းနည်းပြောပါ” …. “မိန့်ခွန်းလေး ချီးမြှင့်ပါ” လို့တောင်းပန်တဲ့အခါ ကျွန်တော် မပြောတတ်ပါဘူးခင်ဗျာ တစ်ခြားသူကို ပြောခိုင်းပါ လို့ ငြင်းတဲ့သူ တော်တော်များများ တွေ့ရတယ်။ အများရှေ့မှာမတ်တပ်ရပ်ပီး ရဲရဲဝံ့ဝံ့စကားပြောရမှာ ကြောက်နေ ရှက်နေသူဦးရေဟာ မနည်းလှဘူး… :)
ဒါတကယ်တော့ ကိုယ့်စိတ်က ကိုယ့်ပြန်ခြောက်နေတာပဲ။ ကိုယ့်ဟာကိုယ်ပြောလို့ မဖြစ်ပါဘူးထင်နေတာကိုး။ဟောပြောတတ်ချင် ရင် ဘယ်သူမဆိုလေ့ကျင့်ယူလို့ ရပါတယ်။
ကဲ…နည်းနည်း စစ်ကြည့်ရအောင်။
လူတစ်ယာက်ဟာ အဖော်သုံးလေးယောက်နဲ့ထိုင်ပြီး စကားပြောနေတုန်းက ဘာမှအခက်အခဲမရှိဘဲ မတ်တပ်ရပ်ပြီးစကားပြော ရတော့မှ ဘာကြောင့် မပြောတတ်မဆိုတတ် ရှက်အမ်းအမ်းကြီးဖြစ်နေရတာလဲ။ ဘာ့ကြောင့် ဒီလိုပြောင်းသွားရတာလဲ။
ဂျယ်လီ့အမြင်တော့ ဒီလိုဖြစ်ရတာ အကြောင်း ၃ ခုထဲက တစ်ခုခုကြောင့် ဖြစ်နိုင်ပါတယ်။ ကိုယ့်ကိုကိုယ်ပြန်ဆန်းစစ်ကြည့်ပါ။
၁။ မတ်တပ်က ပြောရတဲ့အခါ အသံကို ခပ်မြင့်မြင့်ထားပြီးပြောရတယ်။ ထိုင်ပြောတုန်းကလို နဂိုအတိုင်း ခပ်မှန်မှန်မဟုတ်ဘူး။ အဲလိုလုပ်ရမှာကို မလုပ်ချင်တာ။
၂။ ဒုတိယကတော့ အများကကိုယ့်ကို အာရုံစိုက်ကြည့်ပြီး နားထောင်နေတာကို ရွံ့တာ။
၃။ တတိယကတော့ ကိုယ်ပြောတာ အိုးနင်းခွက်နင်း ဖြစ်ပြီး ရှက်စရာကြီးဖြစ်နေမလားလို့ တွေးတော စိုးရိမ်တာပါပဲ။
ကဲ ဒီအချက်-၃ချက်နဲ့ ပတ်သက်ပြီး ဘာလုပ်လို့ရမလဲကြည့်ရအောင်။
တစ်ချို့က ရှိတယ်။ ကိုယ့်အသံကိုယ် အရင်က ဒီလိုအကျယ်ကြီးကြားဖူးတာ မဟုတ်ဖူး။ ဒီလိုကြားရတဲ့အခါ ငါ့အသံမှဟုတ်ရဲ့လား လို့ ကြောင်တောင်တောင်ဖြစ်နေတတ်ပါတယ်။ အင်မတန်ကျယ်တဲ့ ဒီအသံကို ကိုယ်ကိုယ်တိုင် ကြိုက်ချင်မှလည်း ကြိုက်မယ်။
ဒီလိုကြောက်လန့်တတ်တဲ့သူတွေကို ဂျယ်လီပြောချင်တာက ဒီအတွက် ဘာမှမပူပါနဲ့။ အဟောအပြောကောင်းတယ် ဆိုတဲ့သူတွေ လည်း တစ်ချိန်က ဒီလိုဖြစ်ခဲ့ဖူးတာပါပဲ။ အကျင့်ရလာရင် ပြောပါများလာရင် ပီးတော့ ကိုယ့် အသံကိုယ် ကြားပါများလာရင် ကြောက် စိတ်ပျောက် ပြီး ရဲ စိတ်ဝင်လာမှာ မုချ။ ;)
ပီးတော့ ပထမအကြိမ်ဟောရပြောရတဲ့ လူငယ်တိုင်း ပရိသတ်က ကိုယ့်ကို မီးမောင်းထိုးထားသလို အာရုံစိုက်နေရင် နေရထိုင်ရခက်တာ အမှန်ပါပဲ။ ဒါပေမယ့် အလေ့အကျင့်ရလာတာနဲ့ အတူ ဒီအခက်အခဲဟာ နောက်ဆုတ်သွားမြဲဖြစ်တာမို့ ဘာမှပူစရာမရှိပါဘူး။ ဒါကြောင့် အလကားတွေးပြီး ပရိသတ်ကို ကြောက်မနေပါနဲ့။ ရှက်တက်တက် ရွံ့တွန့်တွန့်လေးနဲ့ ကြိုးစားပြောသူကို သူတို့ သဘောကျပါတယ်။
အဲ့ဒီတော့ တောင့်တင်းတဲ့ကိုယ်ဟန်မဟုတ်ပဲ သက်သက်သာသာနဲ့ စပါ။ နဂိုအတိုင်း ပြုံးပြုံးရွှင်ရွှင် ကြည်ကြည်လင်လင်နဲ့ စ.ရင် နားထောင်သူတွေလည်း တစ်ခါမှမတွေ့ဆုံဖူးကြပေမယ့် ရင်းနှီးသလိုဖြစ်လာကြပါတယ်။ အဲလိုဖြစ်လာရင် ဟောပြောသူအတွက်ရော ပရိသတ်အတွက်ရော ကောင်းတယ်။
သတ္တိကောင်းလာအောင် ဘယ်လိုလုပ်ရမလဲ
သတ္တိရှိပြီးသား လူတစ်ယောက်လို ပြောဆိုပြုမူလုပ်ကိုင်ရင် သတ္တိက အလိုလိုဝင်လာမှာ ကြောင့် သတ္တိကောင်းသူတစ်ယောက် လို့ ကိုယ့်ကိုကိုယ်ယုံကြည်ပြီး သဘာဝကျကျဟောပြောပါလို့ တိုက်တွန်းပါတယ်။
ကိုယ့်လက်ကို ညှစ်နေ ချိုးနေတာမျိူး၊ လက်ကိုင်ပုဝါကို လက်နှစ်ဖက်နဲ့ကိုင်ပြီး ဟိုဆွဲဒီဆွဲ ဆွဲနေတာမျိုး :D ကိုယ့်ရှေ့က ခုံကြီးကို တင်းတင်းကြီးကိုင်ပြီး တောင်တောင့်ကြီးရပ်၊ ပါးစပ်လှုပ်ရုံတင်ပြောနေတာမျိုး ကို လုံးဝရှောင်ပါ။ ဒိလိုဖြစ်နေရင် စိတ်ဓာတ်မတက်ပဲ ကျနေတတ်တယ်။
အိုးနင်းခွက်နင်းဖြစ်မှာစိုးတာ
နောက်ထပ်တော်တော်ဆိုးတဲ့ အကြောက် တစ်မျိုးကတော့ တလွဲတချော်ပြောမိမှာ အရှက်ကွဲမှာ အရူးဖြစ်မှာကို ကြောက်တာပါပဲ။
ဟုတ်တယ်။ မဆိုင်တာတွေ အဓိပါယ်မရှိတာတွေ အဆီအငေါ်မတည့်တာတွေ ပြောမိတဲ့သူလည်း ရှိတာပဲ။ အဲ့.. အိုးနင်းခွက် နင်း ပြောနေတုန်း ဘာဆက်ပြောရမှန်း မသိဘဲ ရပ်သွားသူများလည်းရှိတာပါပဲ။ သူတကယ်ပြောချင်တာမျိုးမဟုတ်တဲ့အကြောင်းအ ရာတွေ သူ့ပါးစပ်ကထွက်ကုန်တဲ့သူမျိုးလည်း ရှိတာပဲ။ ဒီလိုဖြစ်တာတွေကို သိပ်ပြီး အပြစ်တင်လို့တော့ မဖြစ်ဖူး။ ကျင့်သားရသူ စကားပြောကောင်းသူလို့ နာမည်ကြီးသူတစ်ချို့လည်း တခါတရံ ခပ်ရှော်ရှော်ဖြစ်တတ်ပါတယ်။
ဒီတော့ ပရိသတ်အပေါ်မှာ အ၇မ်းကြီး serious မထားဘဲ ကိုယ်ပြောမယ့် အကြောင်းအရာပေါ်မှာသာ အာရုံထားပါ။ စင်ပေါ်မတက် ခင် နောက်ဆုံးအချိန်မှာ အဆုတ်ထဲထိရောက်အောင် အသက်ပြင်းပြင်းတစ်ချက်ရှုတာကလည်း စိတ်တည်ငြိမ်အောင်ကြိုးစားရာမှာ အထောက်အကူဖြစ်စေမှာပါ။ ကိုယ်ပြောမယ့် အကြောင်းအရာကို ဆယ်မိနစ် ဆယ့်ငါ်းမိနစ် ဖြစ်စေ သေသေချာချာ လေ့ကျင့်ဖို့လိုပါတယ်။ တစ်ကယ်လို့ မမျှော်လင့်ပဲ မိန့်ခွန်းပြောရမယ်ဆိုရင်တောင် အစပျိုးရင်းနဲ့ တဖြေးဖြေးကိုယ်ကျွမ်းကျင်တဲ့အပိုင်းကို မသိမသာဆွဲခေါ်သွားရမှာဖြစ်ပါတယ်။
အလေ့အကျင့်ရလာတာအမျှ ထိရောက်တဲ့ မိန့်ခွန်းတွေကို ပြောနိုင်လာမှာဖြစ်သလို ကိုယ်ကိုယ်တိုင်ကလည်း ဘယ်ပွဲမှာ ငါဘယ်နေ ရာလိုသွားတယ် ၊ ကိုယ်ဟန်အမူအယာ ဘယ်လိုပြင်သင့်တယ်ဆိုတာ အမြဲပြန်ဆန်းစစိဖို့လိုပါတယ်။
ဒီpost ကို မရည်ရွယ်ပဲ ရေုးဖြစ်သွားတာပါ။ အခုချိန်မှာ နိုင်ငံတော်ရဲ့ နိုင်ငံရေး ၊ စီးပွားရေးတွ အပြောင်းအလဲဖြစ်နေတဲ့ အချိန်မှာ လူငယ်တွေရဲ့ အင်အားကိုလိုအပ်လာတယ်။ ဒီလိုအချိန်မျိုးမှာ လူငယ်တွေအနေနဲ့ နိုင်ငံတကာနဲ့ရင်ပေါင်တန်းပြီး ပြောဆိုရဲတဲ့ သူမျိုးတွေဖြစ်လာစေချင်တဲ့စေတနာနဲ့ ရေးသားတာဖြစ်တယ်။ သူငယ်ချင်းတွေအတွက် အနည်းငယ်ပဲအကျိုးရှိတယ်ဆိုရင်တောင် ဂျယ်လီကျေနပ်ပါတယ်။
ကျေးဇူးတင်ပါတယ်။
လေးစားလျက်
ဂျယ်လီ အိန်ဂျယ်
အသိရစေနိုင်တဲ့ ပို့ စ်လေးမို့ အားပေးးသွားပါတယ်
ReplyDeleteနောက်လဲအခုလိုမျိုးအသိရစေနိုင်တဲ့ စာသားတွေ
ဆက်ရေးပါအမြဲအားပေးနေမယ်နော်ဂျယ်